Tere Naina

Teri khubsurat aankhon mein ek haseen jahaan dekhta hun,
Humare pyaar ke rangon mein saji ek ankahi dastaan dekhta hun,
Badhti jaye ye dastaan, haseen hota jaye ye jahaan,
Yahi prarthna liye, har roz tujh mein bhagwan dekhta hun.

Teri aankhen ugal deti hain saare raaz mujhe,
Dikha deti hain saare lamhe, saare shikve, sab gile,
Kabhi wahan gehre sannate bhi rehte hain,
Jab ashk baarish ki boondon se bhi zyada behte hain,
Bas yahi ek shikayat hai mujhe teri aakhon se,
Kyu ye bina roye sab nahi kehte hain.

Jab fel jaata hai teri aankh ka kajal,
Karha uthta hai dard se mera har pal,
Bas yahi teri ek aadat mujhe pasand nahi,
Baaki meri jaan bhi le le, mujhe koi gham nahi.

Teri aankhen bas khushi se muskurati rahe,
Pyaar ke geet hamesha yun hi gaati rahe,
Gum ho jaun sada ke liye inki gehrai mein,
Kabhi nazar bhi aaun to sirf teri parchai mein.

Teri Hasi

Jab bhi tere hothon pe muskurahat aati hai,

Meri rooh ek ajab sa sukoon paati hai,

Saans bhar leta hai samay bhi tujhe nihaarne mein,

Waqt ko waqt lag jaata hai khud ko ubhaarne mein.

Mere maathe ki saari lakeerein mit jaati hain,

Zindagi ki saari uljhi dorein kat jaati hain,

Tu jo muskura de ek baar dil khol ke,

Shrasti bhi tere aadhipatya ke liye lad jaati hai.

Teri hasi mein ek sunahri si shaam dekhta hun main,

Tere saamne is duniya ko aam hote dekhta hun main,

Anmol hai teri hasi ki wo goonj,

Baaki har ek aawaz ko sareaam hote dekhta hun main.

Tere gaal jab bade ho jaate hain muskurane se,

Tab chand bhi sharma jaata hai tere saamne aane se,

Kaun puchega phir uski khubsurti ko,

Agar wo tere saamne aa gaya apni kismat aazmane ko.

Teri muskurahat ki ibadat kar ke jee rahe hain hum,

Uska deedar kar ke bhool jaate hain saare shikve, saare ghum,

Agar maut bhi aa gayi kal to usko dikha denge,

Kis hasi se haseen thi meri zindagi, thoda usko bhi jeena sikha denge.

Teri Meri Kahani

Mere haath mein jab bhi tera haath raha,
Khuda ke daman se mere vaaste noor baha,
Magar jab bhi main tujhse tanha raha,
Maine bas uski rusvai ko hi saha.

Humare kadam jab bhi saath mil kar chalte the,
Humare saaye bhi ek dusre mein dhalte the,
Lekin jab hum alag dishaon mein aage badhe,
Sirf takleefon ke pahad hi the saamne khade.

Tere aanchal mein pursukoon mein rehta tha,
Jaise shanti ke kisi dariya mein bekhauf behta tha,
Tere bina magar ab sirf becheni hi rehti hai,
Kahan le aaye tum hume, bas yahi zindagi kehti hai.

Teri nazron mein kuch jaadu to zaroor tha,
Jin mein dekh kar hume chad jaata halka suroor tha,
Aaj unhi aankhon mein khone ko hum taraste hain,
Aur tere deedar ki aas mein rozaana mere aansu baraste hain.

Teri jhulfon ki chaon mein kuch to baat thi,
Din ko bhi raat kar de, sooraj ki bhi kya aukaat thi,
Par ab to tanha raat mein bhi jal jaata hun,
Aur tere bina din mein hi dhal jaata hun.

Maine tujh par hi luta di apni poori zindgani hai,
Tujhe saamne baitha kar ab yeh gaatha sunani hai,
Main ek shehzada aur tu mere khwabon ki rani hai,
Zindagi aur kuch bhi nahi, bas teri meri kahani hai.

Tere Sang

Main jab bhi zindagi ki dhoop mein tap jaata hun,
Jab bhi saare jhoothe rishton se thak jaata hun,
Jab bhi kisi purani yaad se darr jaata hun,
Tab kyu yeh dil bas tujhe hi yaad karta hai,
Kyu yaad kara deta hai ki tujhe kitna pyaar karta hai,
Jaise tu hi manjhi hai meri nao ka,
Jaise tu hi marhum hai mere har ghao ka,
Jaise tere saath hi zindagi ki har jeet hai,
Jaise tujhse hi saare sur, poora sangeet hai.

Koi bhi mushkil jab mere saamne aayi hai,
To woh ishwar ko nahi, tujhe mere zehen mein laayi hai,
Kyuki tere pyaar mein hi maine ishwar ko paaya hai,
Aur tere saath hamesha chalta uska saaya hai.

Main har pareshani mein bhi muskura jaata hun,
Tere pyaar ke bharose nidar aage bhada jaata hun,
Teri chahat se hi maine woh shakti paayi hai,
Jo bina aankhon ke bhi mujhe aabhaas kara de,
Kahan dariya hai aur kahan khai hai.

Tere is pyaar ki badolat hi main zinda hun,
Aazaad udta jaise bekhauf parinda hun,
Tere isi pyaar ki mujhe aur darkaar hai,
Kyuki tere bina yeh zindagi berang hai, bekaar hai.

Yeh Jeevan Hai

Yeh zindagi kabhi ek phoolon ka baag hai,
Kabhi kisi ke sapno ko jhulsaati huyi aag hai,
Kabhi kisi ke dil mein bajta pyaar ka madhur raag hai,
Yeh humein sikha jaati hai kayi anokhi kahaniyan,
Kabhi cheen leti hai to kabhi wapas de jaati hai jawaniyan.

Bachpan iski di huyi ek anuthi saugaat hai,
Aur maa ki mamta humare sar par rakhe ishwar ke hi haath hain.

Pyaar jeevan ka diya sabse bada inaam hai,
Jise na mil paya uska jeevan sabse aam hai,
Lekin jiska ishwar manzoor kar deta hai pyaar,
Uske liye khul jaate hain jaise swarg ke dwaar,
Wo jeevan ke saare sach samajh sakta hai,
Kyuki pyaar se har mushkil ka hal nikal sakta hai,
Zindagi ki har raah aasaan ho jaati hai,
Kyuki pyaar se har insaan ki pukhta pehchan ho jaati hai.

Humara yeh na samajh paana hi humari khala hai,
Ki dhoop mein tapana to jeevan ki ek kala hai,
Kyuki tap kar hi to matke gulzaar hote hain,
Warna chaon mein to lakhon mitti ke pahad hote hain.

Hum iski har seekh ko sitam samajh kar na kehte hain,
Magar is jeevan par mar mitne ko hi to jeena kehte hain.

Life Lesson

We live a life, oblivious of what is life,
It's been taught life goes a full circle,
But we always ought to make it vertical.

While turning the pages of my life I observed,
The first page was written by my mother, not me,
Filled with love and gratitude for the Almighty as she was reborn by my birth,
And with the tales of warmth bestowed on me.

The next page was quite hard to read,
As I had just learnt to write,
But happiness and joy were all one could derive from the pencil shades,
Holding my father's hand, I was beginning to see the world.

As I turn the next page,
Things were given more importance than emotions,
As I got fascinated by the possession of others,
Forgetting the most precious possession, my parents and their unconditional love.

Rest all the pages perceive almost the same emotions,
As we thereby start living a life,
Without the biggest feeling called love,
Only driven by the hunger of success and wealth,
Without being grateful to anyone,
Crushing all those who come in our way,
Miles away from happiness,
Stressed by the targets and results,
Finding joy in luxuries and pleasures,
That usually fades away in seconds.

Why do we humans forget?
Life is only about thanking what we have,
Not about thinking what we don't.

Twilight

My phone kept at a distance, rings an alarm,
Getting up from the couch, I put it off,
And wake up similarly each morning before dawn.
Gazing at the sky I see,
The moon prepares to wind up after a long show,
With the sparkling stars gathered as audiences,
Looking mesmerized by the glowing beauty of the moon.

They go to sleep now as the world awakes,
Making way for the sun to rule its realm,
The newspaper vendors start aiming at the houses again,
As chickens wake up those sleeping without an alarm,
Couples break their hug with a good morning kiss,
Children blinking and rubbing their eyes, believing unfortunately for them that its morning,
The elderly get ready to spend sometime with the Almighty.

Everybody does their morning rituals,
Like a robot being given specific commands,
None gazing at the sky to find the lost moon,
None worried about the white bulbs or stars of the universe,
Or anyone being grateful to the sun for being so punctual effortlessly.

We forget that its us who follow them, not they,
A change in their schedule marks a change in ours too,
The soothing light of the moon only makes things appear more beautiful that ever,
Our bond with the sun teaches a new lesson each day.
And all they demand in return is some gratitude.

The moon has started its show again for its gleaming audience,
As I keep the phone at a distance and take the couch,
To wake up for the opponent's show,
And to experience, live and thank the twilight yet again.