Aazad Panchi

Panchi rehte hain aakaash ki fizaon mein,

Indradhanush ke saat rang milte hain jahan hawaon mein,

Pankh lehrate paar kar lete hain kai samandar,

Na jaane kis manzil ka raasta khoj rahe hain apne andar.

Koi sarhad ka darwaza unke liye nahi bana hai,

Use paar karna to bas insaanon ke liye mana hai,

Wo nahi humari tarah bani hui sadkon par chalte hain,

Wo to bekhauf nayi disha aur nayi uchaiyon ki aur badhte hain.

Unhe ghar ka moh bhi nahi satata hai,

Jahan ruk jaye udaan, wahi unka naya ghar kehlata hai,

Kabhi nadi ke kinare to kabhi ped ki daal par,

Wo shayad nirbhar rehte hain sirf apne ishwar ki dhaal par.

Kaash insaan bhi pakshi ki tarah soch paye,

Tod de apne saare bandhan aur apni khwahison ki aur kadam badhaye,

Chod ke har moh maya ko, apne bhitar ishwar jagaye,

Aazad ho jaye is duniya se aur apni khushiyon ko pankh lagaye.

Tera Nasha

Nahi samajh paya tere jawabon ko,

Nasha chada hai aaj chalakti sharabon ko,

Pi liya ek jaam to mujhe bhi chad jayegi,

Jo hai khumari tere liye wo aur bhi badh jayegi.

Bohot piye hain jaam tere ishq ke pyale mein,

Nashe mein kar diya khud ko tere hawale mein,

Tune hi har kadam mujhko sambhala hai,

Tu hi mera sarmaya, tu hi rakhwala hai.

Har ghoont sharab ka tera nasha deta hai,

Teri yaad mein tarbatar duba deta hai,

Kaise wapas aaun phir hosh mein,

Aisa hi accha hun teri aaghosh mein.

Sharab ka nasha tujhse bohot kam hai,

Wo to gham ko bas bahar nikaal sakta hai,

Tu hi hai jo us gham ko mita sakta hai,

Aur is zindagi ko sada gulzar rakhta hai.

Mere Khuda

Mere khuda ne aaj keh diya tu akela hai,

Khushi aur gham ka khel tere saath khela hai,

Unchi aawaz mein suna diya usne apna farmaan,

Tod ke le gaya meri rooh aur meri jaan.

Usne kaha har chaal tujhe hi chalni hai,

Yudh ki har chot tujhe hi khalni hai,

Main to raja hun, tujhe kuchal ke aage badh jaunga,

Har katl ka ilzaam tere hawale kar jaunga.

Badh jaana zindagi mein aage aur dhundh lena apna raasta,

Bhool jaana kabhi mujhse tha tumhara koi vaasta,

Maaf karna khuda par main ye nahi maan sakta,

Tere bina main khud ko hi nahi jaan sakta.

Tune diya tha saath isliye aaj yahan khada hun,

Tere sahare se hi itni aage tak bhada hun,

Kar le ek baar phir nazar apni riyasat ke is bande par,

Tanha mat chod ke ja use faasi ke fande par.

Tera Intezar

Yeh raaste kuch veeran ho gaye hain,

Khali kuch makan ho gaye hain,

Hai pasra yahan sirf ghana andhera,

Pehchanna mushkil hai, kaun hai kamzarf, kaun hai mera.

Mere aangan mein bas dhoop ka hi saya tha,

Andhera aisa pehle kabhi chaya na tha,

Ujle the din aur raat jis chaman mein,

Poore huye the main aur tum usi aman mein.

Ped ki shaakhein tere saath geet gaati thi,

Paani ki boondein teri sarsarahat se bheeg jaati thi,

Teri payal ki chan chan sugam sangeet banati thi,

Chand ki chandni bhi tera aashish le kar aati thi.

Intezar hai in sadkon ko teri aamad ka,

Andhere ki aane wali shamat ka,

Tere aane ka ehsaas mere saath hi hai,

Dekh le mera chehra, teri muskurahat mere saath hi hai.

Tujhe Chua Hai

Aaj tujhe Jo chue hawa, wo main hi hun,

Teri rooh ko kapade, wo thandi fiza main hi hun,

Tujh mein ghul kar ho jaata hun main garm,

Teri har aahat, har saans hi karti hai mujhe narm.

Jo chuta hai tujhe ped se gira ek safed pankh, wo main hi hun,

Apne murshid se toota tera hone ke liye,

Sharir se dil ka safar poora karne ke liye,

Tujhe chu kar, ab main taiyar hun kisi bhi per ke neeche kuchalne ke liye.

Jo chuta hai tujhe paani, wo main hi hun,

Ek boond hi sahi, tujh par rehne ko tarasta main hi hun,

Jitna tujhe hai, usse zyada darr mujhe tere na hone ka satata hai,

Apne labon se laga kar, tu apni nahi, meri pyaas bujhata hai.

Tere sar ko aaram deta sirhana main hi hun,

Maine hi tere khilte huye chehre ko apne andar samaya hai,

Tere saare aansuon ko tujh se lag kar mitaya hai,

Tere saare haseen khwabon ko teri rooh tak pohochaya hai,

Tere saath hone ka rishta, mujhse behtar kisne nibhaya hai.

Meri Zindagi

Tere aane se Maine jaana, 

Pyaar lafs, hota hai kitna suhana,

Tera naam sun ke khil uthta hai mera chehra,

Shaam bhi apna sar jhuka ke bana deti hai sehra.

Is zindagi ki aayat tu hi hai,

Jab bhi bhatka main to raah dikha gayi,

Jab chua to lamha yaadgaar bana gayi,

Aur jab haath mein liya to mujhe bhi aayat bana gayi.

Ye nazren tujhe hi dhundhti hai har kahin,

Chahti hain deedar aur koi nahi,

Hun main bhi yahin, ho tum bhi yahin,

Ab Tum hi batao, yeh hai sitam ya hai Sahi.

Tera Saath hi to mera rutba hai,

Tujhse hi to aata mera har jazba hai,

Main tere bin Hun Kya, Meri koi aukaat nahi,

Main tere saath hi raha bas, aur Meri koi yaddasht nahi.

Life Answers

To life today I write,
A glimpse of the ordeal I fight,
Nested in the woods or lamented in the dark,
Stuck in the traffic or walking in the park,
Feeding your pet dog or bitten by the shark,
Life refuses to answer where I stand or have fallen before the mark.

Have an abundance, life says to me, but only of one,
Take love or take wealth, or both I shun.
Happiness comes with both, but of different sorts,
And an excess want of any, may find you reeling in the courts.

Life is an entangled mystery say most,
But life replies, its as easy as the sea and the coast,
Its your choice to lay peacefully and relax on the coast,
Or take your surfboard into the sea and make life your host.

Its always easy being on the coast watching the surfers fail,
But they forget unknowingly that only do the surfers sail.