Friday, 23 March 2018

Life Memoir

That which has never been spoken,
Maybe what is next to happen,
A proposal on a ship or a loss by a slip,
An avalanche on the mountain or the cool breeze near the fountain,
Life always gives you moments new and fresh,
A spin changes fortune for some,
Or gives someone a debt hard to overcome,
It also gives you long lasting memories,
Some that you want to forever cherish,
Others that you want but never perish,
Opportunities are also awarded at many turns,
A few get transformed into success,
Others seem a little hard to impress,
Inspite of all the aches and pains,
The complicated diseases or the mental strains,
Life is always more beautiful than we assume,
Lights of all colours make the soul bloom,
The stars shine bright whenever darkness looms,
Life always shows us the best suited lane,
And when it comes back full circle,
Explains why it didn't let you walk the plain.

Chalte Rehna

Waise to fursat nahi mere pass,
Phir bhi hasrat se chalta hun main,
Mauka milte hi nikal padta hun main,
Kisi gaadi mein baithe, bina bahar ki hawa ke,
Ya kisi scooter par sawar traffic se bachte bachate,
Isse accha kisi apne se kaho aao zara tehel aate,
Chalne se gaadi ka petrol bhi bachta hai,
Aur maa ka pyaar se khilaya ek zyada parantha bhi pachta hai,
Chalte samay aap aakaash ko yun nihaar sakte hai,
Jaise aap taaron ko bhi neeche utaar sakte hai,
Subah subah chalna thoda aasaan lagta hai,
Pollution ke bina insaan insaan lagta hai,
Paidal chalne ka lutf aur badh jaata hai,
Jab badalon par baarish ka saaya lehrata hai,
Gili mitti ki khushboo bohot hi suhani lagti hai,
Sukhe paidon par bikhri jaise nayi jawani lagti hai,
Chalte rehna hi is jeevan ki reet hai,
Baithe sab mil jaye, yeh to bas ek khwab hai,
Chalte rehne mein hi chupa har sawaal ka jawaab hai.

Sapne

Raat ke safar mein neend tale,
Ek khushi ki dor aankhon tak dheeme chale,
Pal wo dikhlaye tumhe kuch suhane,
Muskaan jo le aaye chehre par jaane anjaane,
Bas sapno mein hi hai wo shiddat,
Jo ruthe mann ko bhi hasa sake,
Jo ghum mein doobe ko bhi nacha sake,
Uske chalne ki raftaar tez zaroor hai,
Par uska swad shaam tak rehne wala suhoor hai,
Jo uski aaghosh mein lipte to bahar na nikal paoge,
Aur agar hai koi raasta to manzil aane par hi paoge,
Accha wahi hai jo sapne khone na de,
Aur asal sapna wahi hai jo sone na de.

Friday, 10 November 2017

Mujh Sarika

Kadam jab har pal chale jaanib-e-yaar,
Tab dil ko bhi kahan aata hai karar,
Har samt ab uska hi saya hai,
Hawa mein jaise ghul jaati har kaya hai,
Par jaanta hai dil ki yeh saya hakikat nahi hai,
Yeh ishq shayad aaj bhi mukammal nahi hai,
Kabhi aag ki chadar hai, kabhi kaanch ka raasta,
Humne sada dard se mehfuz rakha hai, ishq mein apna vaasta,
Ab ek chor par main hun, dusre chor pe khuda,
Tune mohabbat se kiya, main tujhse ho gaya judaa,
Dosti ka aaj bhi ek hi tarika hai,
Mila de usse jo mujhse zyada, mujh sarika hai.

Tuesday, 15 August 2017

Zindagi

Soch jahan pichad gayi, zindagi wahan ujad gayi,
Chale the jis raah pe, woh manzil se hi bichad gayi,
Daayron mein jo simat gayi, zindagi wahan theher gayi,
Jab hawa ko kuch pal roka, ban sailab barsa ke keher gayi,
Bhakti mein jo lag gayi, zindagi wahan jhuk gayi,
Sab darr tyag kar maan liya jo khud ko apna bhagwaan, de kar woh hazaar sukh gayi,
Ghadi ki suiyon ke piche jo daudi, zindagi wahan tham gayi,
Apni marzi se aaye nahi, apni marzi se jee to le, kya yeh bhi kam nahi,
Paison ke piche jo bhaga, zindagi wahan sharm gayi,
Apni soch kar zindagi guzaar do, kya daulat de kar tujhe yahi karm gayi,
Khud ko dekha jab aaine mein, to zindagi jaise bikhar gayi,
Kaanch to abhi bhi thos tha, par mere bhitar ki dararein nikhar gayi.

Wednesday, 19 July 2017

Tere Liye

Ek haath ka faasla tha, haath milane ke liye,
Tune do kadam aur piche le liye, har vasl mitane ke liye,
Lamhe kuch nadaan the, bohot kuch samjhane ke liye,
Tera achanak chale jaana kaafi tha, unhe mohabbat sikhane ke liye,
Ek pyala kaafi lagta tha, har gham mitane ke liye,
Aaj maikhana bhi itrata hai, mera saath nibhane ke liye,
Duniya kehti hai dil mein dard chahiye kuch likhne ke liye,
Maine to qasiide padh daale teri raah mein bichne ke liye,
Ek samay tha, jab waqt tha daud lagane ke liye,
Ab to suiyan bhi itrati hai, ek kadam badhane ke liye,
Kagaz ki kashti to banti hai doob jaane ke liye,
Humein to kisi ne paani me dhakel diya, khud ko paar lagane ke liye,
Paani se beh gaye, kuch tu kuch main jiske liye,
Wo ishq kya thi khata kuch mere liye kuch tere liye.

Sunday, 16 July 2017

Kahani

Harf dar harf ek kahani tujhe sunani hai,
Kisi ke khwabon mein lipti yeh daastaan purani hai,
Yeh meri nahi, lamhon ke muntazar kuch lamhon ki zubani hai,
Kisi ke vaadon mein uljhi,
Kisi ke suraj mein phigli,
Kisi ke pairon mein kuchli,
Kisi ke haathon se phisli,
Is daastaan ko shayad ruhaniyat naseeb na thi,
Chahe jaisa hota anjaam, mujhe aarzo-e-rakeeb na thi,
Ek nao jaise bina maanjhi ke thi,
Ek shajar ki sukhi shakhaein jaise bina aandhi ke thi,
Vasl ki raat jo laaye, aisi har shaam begaani thi,
Is raja ki siyasat bhi bina apni rani ke thi,
Aur kahani tujhe kya sunau, jab koi kahani hi na thi.