Jo tere saath beeta ek dashak,
Wo zindagi ka hissa nahi zindagi hi thi,
Jo tere aur mere dil mein thi kasak,
Wo gham ka kissa nahi bandgi hi thi,
Jo tune thama tha mera haath,
Mere liye ishwar ka saaya tha tera saath,
Jo tune pehli baar dil se liya tha mera naam,
Us din se meri pehchan nahi reh gayi thi aam,
Teri har ek ada mujhe madhosh kar gayi,
Tere chehre ki wo chamak mujhe behosh kar gayi,
Teri parchai jo mujh par padi,
Meri zindagi ki dasha badal gayi,
Maine thama jo tera aanchal,
Meri dubti huyi kashti sambhal gayi,
Aaj is dil ke har kone mein tera ghar hai,
Main to mar jaunga kal, lekin mera pyaar amar hai.
No comments:
Post a Comment